“Oturia”, nuevo espectaclo de Miguel Ángel Berna

Lo nuevo prochecto d’o bailarín Miguel Ángel Berna ya tiene calendata pa la suya enguero, en o Teatro Prencipal de Zaragoza: los días 11 a lo 14 de noviembre de 2021. Como ye habitual en as creyacions de Berna, Oturia funde las suyas radices en o folklore musical d’Aragón, y en esta ocasión lo fa en o mas profundo y lo mas autentico: lo dance.

Lo pico Oturia domina lo Serrablo y lo Sobrepuerto, ofrindo unas vistas magnificas d’a plana de Santa Orosia, escenario d’un d’os dances mas tradicionals y millor conservaus d’Aragón, que acompanyau d’una romería tiene puesto cada 25 de chunyo. La romería de Santa Orosia ye un complexo ritual que ha veniu acompanyando-se d’o paloteao dende lo sieglo XVII. A lo contrario que muitos d’os dances aragoneses, mas elaboraus u mas evolucionaus, lo dance de Santa Orosia conserva elementos evidents d’a suya antiguidat y la suya excelent conservación, como lo suyo peculiar indumentaria (sayas, sombreros de flors) u los trastes d’acompanyamiento (chiflo y salterio) y d’os danzantes (tochets).

Miguel Ángel Berna tría este dance como muestra d’a riqueza y la belleza d’un patrimonio cultural tant grandioso como son los dances aragoneses, reivindicando la suya valor como herencio espiritual y como elemento fundamental d’o acervo d’a sabiduría popular.

Oturia se basa en o dance y la romería de Santa Orosia para simbolizar lo pelegrinache d’una sociedat a traviés d’as numerosas ermitas que trascruza la rota per la quala se puya ta Santa Orosia dende la localidat de Yebra de Basa, en busca d’alivio a las preocupacions que no puede afrontar dende una perspectiva terrenal; con base en esta muestra de tradición y cultura populars lo espectaclo adquiere un profundo significau social y relichioso.

L’adreza musical d’o espectaclo corre a cargo de Guillermo Mata y l’adreza artistica ye d’o bailarín Alejandro Álvarez.