O primer d’os conciertos d’o sexto ciclo De la Raíz, chornadas de cultura radical que organiza AREA, Aragonesa de Representaciones Artísticas, se celebrará o día 29 de febrero de 2020 y rendirá homenache a o productor musical José Luis Cortés, Panoja, creyador d’iste ciclo que feneixió o pasau anyo.
A trayeutoria musical de José Luis Cortés ha iu d’a man de grans artistas d’os mas diversos estilos musicals, incluindo a jota, o folk u o flamenco. Ha programau ciclos, festivals y conciertos con figuras d’a mosica tant emblematicas como que Elíades Ochoa, Paco de Lucía, Enrique Morente, Omara*Portuondo, Raimundo Amador, Buika u Miguel Poveda.
O ciclo De la Raíz traye a os escenarios zaragozans, dende l’anyo 2015, a beluns d’os representants actuals d’o folk radical, u d’a mosica cherminal d’os diversos colectivos que enriqueixen a nuestra cultura.
En iste concierto inaugural d’o sexto ciclo participarán beluns d’os artistas y amigos que formoron parte d’os numerosos prochectos levaus a cabo por José Luis Cortés. Entre ells podemos nombrar a Claudina y Alberto Gambino, Beatriz Bernad, Luis Miguel Bajén, Fernando Gabarrús u a Orquesta Popular d’a Magdalena.
O concierto tendrá puesto o día 29 de febrero de 2020, a las 20 horas, en o Centro Civico Delicias de Zaragoza.
