La localidat de Leciñena se prepara ta acullir una nueva edición d’a Trobada de Dances d’os Monegros, una cita que chuntará a representants de qualques d’as formacions más emblematicas d’ista tradición ancestral.
Dende a suya primera edición en 2022, feita en Sariñena, ista trobada ha creixiu con forza y vocación de continuidat, consolidando-se como un espacio de celebración, encuentro y argüello cultural.
Os dances monegrinos atesoran qualques d’as melodías más polidas d’o folclor aragonés. A suya pervivencia no sería posible sin a dedicación y l’entusiasmo d’os habitants d’a comarca, que cheneración tras cheneración mantienen viva ista expresión única d’identidat. Destacan especialment os dances de Sena y Sariñena, reconoixius como Fiesta d’Interés Turistico por o Gubierno d’Aragón.
A chornada tendrá puesto o próximo 18 d’abril de 2026, a partir d’as 10:15 horas, y promete estar una chornada plena de música, tradición y emoción.
