Valdealgorfa se prepara ta emplenar-se de musica, tradición y espectácul o próximo 18 d’abril de 2026, con a celebración d’a decimotercera edición d’a Trobada de Chigants, Dulzainas y Percusión, organizada por Dulzaineros de Valdealgorfa.
A chornada prencipiará a las 17:00 horas con a recepción d’os grupos participants y a esperada plantada de chigants, un momento siempre especial en o que istas figuras prenen protagonismo.
Dimpués, as carreras d’o lugar s’animarán con un pasacalles pleno de color en o que participarán totz os grupos, enchendo l’ambient de ritmo y tradición.
Ya por a tarde, a las 20:00 horas, os grupos ofrecerán as suyas actuaciones, amostrando o millor d’o suyo repertorio.
Y ta rematar, a las 23:00 horas, tendrá puesto o ya habitual concierto nueitenco, que meterá o punto final a una chornada festiva ta totz os públicos.
