A Casa de Cultura de Gallur acullirá o proche viernes 17 d’abril de 2026, a las 19:00 h, a presentación d’o CD BORDONES Y BORDONETAS, 16 temas ta gaita aragonesa, una obra compuesta e interpretada por F. Chesús López Báguena, compositor y director d’a Banda de Gaitas de Boto Aragonesas.
Iste treballo discografico reculle dieceis composicions orichinals, creyadas ta meter en valor as posibilidatz expresivas d’a gaita de boto y o suyo papel en o patrimonio musical aragonés. López Báguena amuestra en iste albúm a suya experiencia como creador e intérprete, oferindo una mirada contemporania ta un instrumento fondamentalment ligau a la tradición.
A Banda de Gaitas de Boto Aragonesas, dedicada dende os suyos prencipios a la recuperación, difusión y evolución d’a música tradicional d’Aragón, ha estau clau en a revitalización d’iste instrumento, hue tornau a estar un simbolo identitario. O suyo treballo combina piezas tradicionals, adaptacions modernas y composicions propias inspiradas en a herencia musical aragonesa.
A presentación d’o CD ye una ocasión destacada ta conoixer de primera man un prochecto que contribuye a la continidat y proyección d’a gaita de boto en o panorama musical actual. Una cita de referencia ta qui valora a creyación cultural vinculada a la tradición y a suya evolución contemporania.
