As V Chornadas arredol d’a gaita de boto en a Tierra Baxa plegarán o 11 d’abril de 2026, dende as 10:00 h, en Alcañiz (Teruel). Una trobada que s’ha convertiu ya en una cita imprescindible ta os amants d’a mosica tradicional y que iste anyo celebra a suya quinta edición.
Nacidas d’a man d’os Gaiteros d’a Tierra Baxa, istas chornadas naixeron con un propósitu claro: compartir experiencias, aprender chuntos y estreitar vinclos entre interpretes de gaita de boto y mosicos d’atros instrumentos tradicionals de viento. Cinco edicions dimpués, l’esperit sigue intacto… y mes vivo que nunca.
A mañana prencipiará con un taller mosical impartiu por Francisco Quesada, pensau ta aprofundir en tecnica, repertorio y sonoridat. Dimpués, un pasacarreras omplirá de mosica as carreras d’Alcañiz, portant o son d’a gaita de boto a cada cantonada. A chornada seguirá con una conferencia a cargo d’o mosico y investigador Pedro Mir, que aportará contexto, historia y nuevas miradas sobre iste instrumento tan nuestro.
Como broche final, totz os participants se reunirán en una audición grupal, un momento d’unión y celebración an que a mosica será a verdadera protagonista.
Ta inscribir-te u obtener más información, solo has d’acceder a lo código QR que acompaña o cartel de l’evento.
