O venient domingo 12 d’abril de 2026, a las 18:00 h en a Sala Florida de Fraga (Uesca), Nacho del Río y Beatriz Bernad nos convidan a un viache mosical que celebra una larga trayeutoria de complicidat artistica y amor por la jota aragonesa.
Nacho del Río, interprete y investigador incansable, y Beatriz Bernad, cantadora y mestra d’as nuevas cheneracions, son dos boz imprescindibles en a preservación y renovación d’o nuestro patrimonio cultural. Unius dende 1995, han construyiu una trayeutoria conjunta que combina respeto por la tradición con propuestas escenicas innovaderas, convertindo-se en referentes indiscutibles d’o chenero.
Con iste espectaclo, La jota fue lo primero, baixo la dirección mosical de Sergio Aso, nos ofrecen un omenache a o suyo recorriu vital y artistico: un encuentro pleno d’emoción, raices y sentimiento, do la musica se convierte en memoria compartida y celebración colectiva.
Será una tarde inolvidable, un canto a la identidat y a la fuerca d’a jota que sigue viva gracias a la suya entrega y talento.
