O barrio de San Chusé se para ta vivir una nueva chornada de fiesta, mosica y cultura popular. O proximo 21 de marzo de 2026, dende as 12 d’o meyo día, a Plaza Mayor acullirá o 21º Encuentro de Dances de San Chusé, una cita ya consolidada que convierte l’espacio publico en un punto d’alcuentro ubierto, participativo y pleno d’enerchía.
Organizau por o Danze de San Chusé, l’evento achuntará a diferents formacions que representan una traza viva y actual d’entender o folclore: o Danze de Pina d’Ebro, o Ball de bastons de Cambrils y Chusebinos Folk, que compartirán escenario chunto a o grupo anfitrión en una maitín marcada por o ritmo, a cercanía con o publico y l’ambient festivo.
Luengo d’estar una propuesta estatica, l’alcuentro aposta por una manifestación cultural dinamica, en contina evolución, an a tradición dialoga con o present y se reinventa dende lo colectivo. Una invitación ta desfrutar, ta participar y ta celebrar a cultura popular como bella cosa viva y compartida.
A programación continará o diya dimpués, o domingo 22 de marzo, con una propuesta mas reflexiva. A las 12 d’o meyo día, o salón d’actos d’o Centro Cívico Teodoro Sánchez Punter acullirá a proyeccion d’o documental XX aniversario Danze de San Chusé, un recorrido por a historia d’o grupo organizador y a suya evolución a lo largo de dos decenios.
Un fin de semana ta celebrar a cultura dende a carrera, l’alcuentro y a participación.
