Lo grupo de folclore tradicional aragonés Xinglar cumple 36 anyos d’estudiar, espardir y enriquir la mosica y los bailes tradicionals d’Aragón. Xinglar estió un d’os grupos pioners en enamplar lo formato tradicional d’o festival de ixota de recreación con demostracions didacticas de bailes y cantas populars extraitos d’a nuestra tradición musical. Xinglar creó un formato de espectaclo que s’aluenyaba d’o baile folklorico pa introducir, con sesions didacticas complementadas con tallers de indumentaria y de baile popular, lo folclore autentico heredau d’a nuestra tradición.
Xinglar celebra estes 36 anyos con una misa aragonesa y una fiesta aniversario en a cuala tendremos la oportunidat de compartir con éls lo suyo treballo y experiencia acumulaus entre tanto tiempo. Una gran ocasión pa desfrutar d’o nuestro folklore mas autentico.
La misa tendrá puesto lo día 23 d’abril de 2025 a las 12 horas, en a ilesia de Sant Chorche (carrera Antón Garcia Abril 29) y la borina será ixe mesmo diya a las 18 horas, en o Centro Civico Almozara de Zaragoza.
