La Institución Fernando lo Catolico d’a Deputación de Zaragoza aculle un curso sobre lo treballo d’estes tres folcloristas, Alan Lomax, Marius Schneider y Arcadio de Larrea, que la suya obra abarcó lo folclore tradicional d’Aragón en a suya practica totalidat, pero que estió ignorada u terchiversada entre la dictadura con fins d’adoctrinamiento, tenendo como consecuencia lo profundo desconoiximiento que encara hue existe en Aragón sobre lo nuestro autentico folclore y las nuestras tradicions.
Sobre este tema charrarán cuatro expertos en o campo d’o folclorismo: Manuela Adamo (istoriadora, Master Historia Contemporania per la Universidat de Zaragoza), Vincenzo Santoro (escritor y estudioso d’a cultura popular), Ascensión Mazuela (coordinadora d’o Master Universitario en Patrimonio Musical d’a Universidat de Granada) y Mario Gros (luthier, mosico y folclorista). Lo curso, dirichido per Manuela Adamo, s’impartirá entre los días 19 y 20 de noviembre de 2024 y tratará sobre lo treballo que estes tres folcloristas realizoron en Espanya a meyaus d’o sieglo pasau, los suyos contenius y metodolochía de treballo, asinas como d’a importancia que este treballo ha teniu en a reconstrucción d’o mapa d’as tradicions espanyolas y las grans incognitas que encara quedan per esclareixer en particular en l’ambito d’o folclore tradicional d’Aragón.
Mas información aquí.
