Las III chornadas arredol d’a gaita de boto en a Tierra Baixa se celebrarán lo día 2 de marzo de 2024, a partir d’as 10 horas, en Maella (Zaragoza).
Estas chornadas, organizadas per Gaiters d’a Tierra Baixa y Gaiters d’o Matarranya, naixioron con a finalidat de compartir experiencias musicals entre mosicos d’este esturmén y atros esturmentes tradicionals d’aire, y en este anyo 2024 aconsiguen ya la suya tercera edición.
En o programa s’incluye un taller mosical a cargo de Francisco Quesada, un pascarreras, la esposizión Gaitas d’o Mundo y una conferencia a cargo d’o mosico y lutier Pablo Morales.
La chornada rematará con una audizión a bandadas pa toz los partizipáns.
Somos seguros que será una chornada ludica y muito instructiva, en a cuala no faltará una memoria pa lo dulzainer maellá Daniel Bondía, desgraciadament feneixiu fa muito poco tiempo.
Inscripción y mas información accedendo a lo codigo QR que acompanya lo cartel.
