Lo grupo folk O’Carolan celebra 30 anyos en os eszenarios y lo fa a lo gran, con un conzierto en la sala Mozart d’o Auditorio de Zaragoza, en o cual ofrirá una muestra d’a suya repertorio baixo lo títol Unatra mirada d’a mosica tradicional aragonesa.
O’Carolan naixió d’o repertorio creyau per lo mosico irlandés Turlough O´Carolan, autor de numerosas piezas musicals para arpa basadas en a tradizión mosical irlandesa, y muitas d’as qualas se siguen interpretando en l’actualidat.
Inspirau en a suya obra y en os sons d’a mosica tradizional de diversos puntos d’Europa, O’Carolan gravó los suyos tres primers discos, Alrededor de una vela, La llave de los sueños y El reloj secreto.
Lo suyo cuatreno disco, Nota de paso, estió una mirada a la mosica tradicional d’Aragón con a optica celta que embuyó los suyos treballos anteriors. Recientment, O’Carolan ha publicau lo suyo quinto treballo, Caleidoscopio, con esta mesma perspectiva musical encara que con un mayor protagonismo de lo folklore musical d’Aragón, y con a colaboración d’o Cuarteto Concuerda.
Lo conzierto tendrá puesto lo día 4 de febrero de 2024, a las 11:30 horas, dentro d’o 44 Ciclo d’Introduzión a la Mosica que ofreix lo Auditorio de Zaragoza. En o mesmo colaborarán lo Cuarteto Concuerda y la Orquesta de Cuerda d’a Escuela Municipal de Mosica y Danza de Zaragoza.
Lo grupo O’Carolan ye formau por Susana Arregui (violín), Pilar Gonzalvo (arpa irlandesa, acordión diatónico), Ernesto Cossío (guitarra acustica), Julián Ansuategui (percusions) y Miguel Ángel Fraile (gaita de boto, gaita irlandesa, whistles, acordión).
