Kike Ubieto y Arecio Smith

Lo cantautor Kike Ubieto, armau como siempre con a suya canción reivindicativa, humor aceto, y un repertorio de temas en as luengas d’Aragón (castellán, aragonés y catalán) sobre la mas rabiosa actualidat d’as nuestras comarcas, ofrirá un recital lo proximo día 25 de febrero de 2022 en o Palacio de Congresos de Jaca.

Kike Ubieto será acompanyau en esta ocasión per Arecio Smith, excepcional pianista catalán en l’ambito d’o jazz u la mosica electronica.

Kike Ubieto ye tamién component d’o grupo Os Chotos. En solitario u en grupo, los suyos temas no deixan titere con cabeza y siempre tienen una memoria, divertiu pero sarcastico y punchant, pa totz y cadagún d’os responsables de tantos olvidos, disprecios, expolios y vetuperios que Aragón viene sufrindo y pareixe destinau a sufrir ad calendas graecas (u, como diríanos per aquí, dica que San Chuan baxe ro dido).

Lo recital será a las 21:30 horas.

Leave a Reply

This site uses Akismet to reduce spam. Learn how your comment data is processed.