Os Bufacalibos de Biella Nuei

Os Bufacalibos naixen d’o grupo folk Biella Nuei con o proposito de divulgar lo folklore d’Aragón en a suya visión mas tradicional, atendendo a las melodías, los trastes con os quals se tocan y, prencipalment, la función con a quala s’interpretan. Bufacalibos de Biella Nuei parten d’a premisa que lo folklore ye vivo entre que lo lugar l’adopta, l’adapta a las suyas necesidatz y lo interpreta espontaniament, como parte d’as suyas actividatz cutianas. D’esta visión d’o folklore surten los Bufacalibos, que son, literalment, “los que bufan en o calibo d’o fuego pa escatimar la flama”.

Ixe ye lo esprito d’o espectaclo que ofreixen y que podremos desfrutar lo proximo día 18 de setiembre de 2021 en Urriés (Uesca), a las 12 horas.