La banda de folk-metal Lurte participará lo día 28 de setiembre de 2019 en lo Iberian Warriors Metal Fest con o suyo repertorio de folk bastardo y la suya scenografía almogávar.
La mosica de Lurte, interpretada con gaitas tradicionals aragonesas y contundents percusions, remera las gestas d’os guerrers que contribuyioron a extender los dominios d’os reis d’Aragón entre la Edat Meya. Caracterizaus como aquells mercenarios interpretan temas musicals narrando las gestas heroicas en as qualas se veyioron embolicaus u evocando la suya cosirada patria.
Lo resultau, tanto musical como scenograficamén, ye superior.
Lurte animará tamién lo mercau medieval que se desenvolverá en Quicena (Uesca) con motivo d’o Podoactiva Medieval Trail Montearagón. Lo sabado 14 de setiembre de 2019 ofrirá un pasacarreras arredol d’o mercau medieval.
