Homenache a los mosicos de Mainar

Los mosicos populars recorreban los lugars d’Aragón amenando las fiestas con as suyas melodías. Dende gaiters u dulzainers, en solitario u acompanyaus d’un tambor, dica chicotas orquestinas, qualsequier formación yera valida pa interpretar, con adrezos sencillos, las melodías a la moda que trayeba la radio u que los propios mosicos s’encargaban d’aprender an las sentisen y difundir per los puestos que visitaban.

Lo día 8 de chunyo de 2019, a las 19 horas, la localidat zaragozana de Mainar rinde un homenache a los suyos tres famosos mosicos: Joaquín Gómez, Lamberto Funes lo ciego y José Gómez. Estes tres tayeedors de guitarra, bandurria, acordión y laúd recorreban la comarca fendo bailar a los vecins d’os puestos que visitaban. Pa ixo ha organizau un concierto en o qual una nutrida rondalla interpretará adrezos d’as piezas bailables que estes mosicos gosaban interpretar en as verbenas que animaban. A l’acto asistirá José Gómez, lo mas choven d’os tres mosicos.