Lo grupo grausí Mosicaires acaba de publicar lo suyo tercer treballo, Sueños d’un soniador. Ya ye anunciada la suya presentación, de conchunta con o conto-CD Lo secreto d’a Iberia Impura, una historia basada en o suyo segundo treballo musical, y l’acto será en un concierto a beneficio de l’Asociación Espanyola Contra lo Cancer que tendrá puesto lo proximo sabado 25 de mayo, a las 20 horas, en o teatro Salamero de Graus.
Lo repertorio de Mosicaires ye inspirau en a tradición musical d’Aragón y tracta de meter de manifiesto la valor d’a diversidat lingüistica y cultural d’os lugars a traviés d’a mosica popular.
