La Asoziazión Cultural Bente d’Abiento, de Zaragoza, organiza un anyo mas la clasica Trobada de Gaita de Bot Aragonesa L’Almozara Folk. En esta edición la trobada se planteya como un homenache a la Banda de Gaitas de Bot Aragonesas, que este 2019 cumple lo suyo deceno cabodaño.
La Trobada de Gaita de Bot Aragonesa abandona en esta ocasión lo formato clasico de concurso pa ofrir lo escenario a esta banda y a atras agrupacions aragonesas con formato de gran conchunto basau en trastes y repertorio d’a tradición aragonesa.
Amás, en esta decimotrezena Trobada se presentará lo quinto libro d’a colección Nuevas Tonadas, que replega composicions de Rafael García y Sergi Llena, y se tendrá tamién una memoria pa lo gaiter Pepe Relancio, qui feneixió fa muito poco tiempo.
La trobada se celebrará, como ye habitual, en o Centro Civico La Almozara, de Zaragoza, y tendrá puesto lo día 25 de mayo de 2019 a las 18 horas.
Más información: http://www.bentedabiento.com.
