O’Carolan en El Corazón Verde

Lo grupo folk O’Carolan naixió d’o repertorio creyau per lo mosico irlandés Turlough O´Carolan, autor de numerosas piezas musicals para arpa basadas en a tradición musical irlandesa, y muitas d’as qualas se siguen interpretando en l’actualidat.

Inspirau en a suya obra y en os sons d’a mosica tradicional de diversos puntos d’Europa, O’Carolan gravó los suyos tres primers discos, Alrededor de una vela, La llave de los sueños y El reloj secreto.

Lo suyo quatreno disco, Nota de paso, estió una mirada a la mosica tradicional d’Aragón con a optica celta que embullió los suyos treballos anteriors. En l’actualidat, O’Carolan prepara un quinto treballo, Caleidoscopio, con esta mesma perspectiva musical y con a colaboración d’o Cuarteto Concuerda.

Con motivo d’o 8º cabodaño de El Corazón Verde, terraza-tabierna zaragozana, O’Carolan ofrirá un concierto en o qual amostrará qualques temas d’este nuevo treballo. Lo concierto tendrá puesto lo día 25 de mayo de 2019, a las 21:30 horas.

Lo grupo O’Carolan ye forma peor Susana Arregui (violín, nyckelharpa), Pilar Gonzalvo (arpa irlandesa, acordión diatónico), Ernesto Cossío (guitarra acustica), Julián Ansuategui (percusions) y Miguel Ángel Fraile (gaita de boto, gaita irlandesa, whistles, acordión).