Presentación d’o disco-libro “Cadenzias”

Lo disco-libro Cadenzias ye un homenache a la poesía d’Ánchel Conte, prencipal artifice d’a revitalización de l’aragonés per medio d’a suya poesía y los estudios sobre esta luenga empentaus per ell.

Muitos d’os suyos poemas han estau ya mosicados per artistas aragoneses de diversos cheneros, pero en esta ocasión se presienta este treballo, Cadenzias, en o qual Os Chotos meten mosica a una extensa colección d’as suyas obras.

Cadenzias se presentará lo día 22 de marzo, a las 21 horas, en o C. C. Delicias de Zaragoza, y lo día 26 d’abril de 2019, a las 20 horas, en o C. C. Manuel Benito Moliner de Uesca.