O danze ye una d’as tradicions mas apreciadas y millor conservadas d’a localidat de Sariñena (Uesca). A representación, que tiene puesto o día 2 de setiembre en honor de Santo Antolín, incluye pastorada, ditos, anchel, demonio y representación de moros y cristians.
Salvador Trallero, natural d’a villa monegrina y autor y editor de quantos treballos sobre costumbres locals, acaba de publicar o libro O danze de Sariñena, dedicau a ista singular representación danzada que ha estau declarada Fiesta d’Intrés Turistico d’Aragón.
O libro se presentará o día 25 d’agosto de 2020, a las 20 horas, en o cine-teatro El Molino de Sariñena. L’acto contará con a presencia de l’autor, acompanyau por os mosicos y investigadors Martín Blecua y Pedro Mir, autors d’o libro A Gaita de Bot Aragonesa que incluiba os textos y melodías d’o danze.
En o mesmo acto se ferá a devantadera una exposición fotografica sobre o danze de Sariñena, que se podrá visitar dica o 25 de noviembre.
