I hai grupos que tocan mosica. Y dimpués ye La Almeta, que la dispierta. Con o suyo nuevo disco, O esprito d’o lugar, lo veterano conchunto folk aragonés torna a ubrir la puerta a un universo de melodías antigas, de voces que vienen de luen y de ritmos que han acompanyau a lugars enters.
Lo suyo repertorio, pleno de cancions populars aragonesas y europeas, traquia con o goyo apegalloso que siempre ha definiu a lo grupo: ixa forma d’estar en o eszenario que convierte cada conzierto en una trobada, en una fiesta sin complexos.
Lo proximo sabado 3 d’octubre, a las 19 h, en o Centro Civico Delicias de Zaragoza, presentarán este nuevo treballo. Será una tarde difícil de vivir dende la siella: La Almeta tiene lo don de fer que la mosica se convierta en movimiento.
