O proche domingo 31 de mayo a las 19:00, o Teatro Olimpia d’Uesca será l’escenario d’Aragón en o corazón, o concierto con o que Biella Nuei festeya as suyas 40 añadas de camín. A formación aragonesa, referente indiscutible d’o folk en España, reunirá en o escenario a numerosos artistas y agrupacions d’o Alto Aragón en una cita que promete estar tan emotiva como festiva.
O grupo presentará bellas piezas d’o suyo nuevo treballo, L’arbol volador, acompañadas de proyeccions d’o Parque Nacional d’Ordesa y Monte Perdido, y repasará a suya historia chunto a convidaus como Roberto Ciria, Olga y Los Ministriles, Juanjo Javierre, l’Escuela Municipal de Jota y Folclore d’Uesca u lo Coro Ars Musicae.
Naciu en os añadas 80 d’a man d’un grupo de chovens enamoraus d’a música tradicional aragonesa, Biella Nuei ha dedicau cuatro decadas a investigar, recuperar y reinterpretar o patrimonio musical d’Aragón. O suyo treballo —que combina temas en castellano y aragonés y a construcción y uso d’instrumentos tradicionals— ha estau reconoixiu con premios como o Millor Grupo Folk Europeo (1993) u o Premio Nacional de Folclore (2002).
Con doce discos publicaus y actuaciones en ciudatz de toda España y en países como Italia, Alemania, Francia, Portugal, Marruecos, Exipto u Israel, o grupo ha emportau o son aragonés mas allá d’as nuestras fronteras. Pero ta celebrar iste aniversario han queriu tornar a casa y compartir-lo con o suyo publico mas cercano.
Bellos d’os suyos integrantes compachinan a actividat artística con a docencia en l’Escuela Municipal de Música y Danza de Zaragoza, amás de colaborar con entidatz como l’Asociación de Gaiteros de Aragón.
