La Banda de Gaitas de Boto Aragonesas, veterana formación componida per uns 40 mosicos de gaita de boto, percusión y curdión, mas 15 mayordomos que endrezan lo baile entre las actuacions, será present en o ciclo d’actividatz culturals que se celebran arredol d’a V Feria d’a fruita d’a Val d’o Manubles, con un concierto que tendrá puesto lo día 25 de setiembre de 2021 en Villalengua (Zaragoza).
Como en totas las suyas actuacions, esta peculiar formación nos ofreix una interesant trobada con l’autentico folklore musical d’Aragón. La Banda de Gaitas de Boto Aragonesas estió creyada fa ya mas de diez anyos y que dende alavez ha estau prolixa en a difusión d’o folklore tradicional d’Aragón, asinas como en o fomento de nuevas composicions pa gaita de boto y d’actividatz en cheneral relacionadas con este traste.
