La companyía Opera 2001, habitual en a programación operistica d’o Teatro Prencipal de Zaragoza, presienta una producción dedicada a la vida d’o gran tenor oscense Miguel Fleta. Con o titol Fleta, gloria y pasión, la obra recreya la vida d’este gran artista de Albalate de Cinca que destacó como un d’os mas grans cantantes liricos que ha dau la historia, a la vegada que estió un prolifico y extraordinario cantante de jotas aragonesas, encara que en este zaguer aspecto no aconseguise en a suya epoca la reconoixencia que mereixeba per parte d’os suyos contemporanios.
La interpretación de Fleta corre a cargo de tres grans voces actuals: los tenors liricos David Baños y Eduardo Sandoval, y lo cantador de jotas Nacho del Río. Tamién conta con Miguel Ángel Berna como artista convidau, y l’asesoramiento musical d’Alberto Artigas.
Las funcions tendrán puesto en o Teatro Prencipal de Zaragoza totz los días dende lo 10 dica lo 26 de setiembre de 2021 (con excepción d’os días 13 y 20).
