O grupo Joaquín Pardinilla Sexteto ofreix un repertorio de temas en os quals a mosica tradicional sona en clau de jazz y d’atras mosicas actuals. O zaguer disco d’a banda, presentau en a primavera de 2018, estió Veyer pa creyer, conmemorando os 40 anyos d’a publicación d’o mitico treballo d’o grupo Chicotén, pionero en o tractamiento de temas musicals d’o acerbo popular con parametros contemporanios. Iste disco vinió a engargallar o curriculum d’o grupo, que ya contaba con quatro discos anteriors (incluindo a suya etapa de quinteto), aportando colaboracions de numerosos artistas aragoneses ligados a la mosica popular aragonesa dende todas as suyas facetas.
En ista ocasión, Joaquín Pardinilla Sexteto actuará en a carpa municipal de Zuera, lo viernes 3 de setiembre de 2021 a las 22:30 horas.
