La plegada d’o solsticio d’estíu, una calendata tant sinyalada en o ciclo de l’anyo tradicional, ha perdiu transcendencia actualment a causa d’a uniformidat d’as fayenas productivas. Tot y con ixo sigue estando una calendata muito celebrada y muitas d’as suyas tradicions, como las fogueras y la consiguient brienda a la calor d’as brasas y lo baile, se siguen mantenendo en numerosos puestos. La Escuela Xixena y lo Dance d’o Rabal acostumbran a convidar-nos cada anyo a recibir lo estíu con una verbena a la traza tradicional, y encara que las circumstancias sanitarias encara no nos permiten reunir-nos y bailar arredol d’o fuego, este anyo no nos privarán de celebrar la plegada d’o verano con ells, pa lo que nos ofreixen una muestra de bailes tradicionals en o Centro Civico Tío Jorge de Zaragoza, lo día 25 de chunyo de 2021 a las 18 horas.
