Continan as representacions d’o espectaclo Jota y Berna, creyau por o bailarín Miguel Ángel Berna. Dimpués d’o suyo enguero en o Teatro Prencipal de Zaragoza, se representará o día 16 de chinero de 2021 en o Teatro Goya de Caspe, a cargo d’a Companyía Miguel Ángel Berna, y en ell participarán artistas conoixius como o coreógrafo y bailarín Cesc Gelabert, as bailarinas Sofía Berna y Manuela Adamo, que ye a la vegada directora de scena, a jotera Irene Alcoceba u os mosicos Alberto Artigas, Miguel Ángel Fraile, Josué Barrés y Guille Mata.
Seguindo a fructifera linia de creyación de Berna, o espectacuo ofreix composicions basadas en melodías y ritmos tradicionals y obras de manufactura moderna inspirada en a tradición musical y en as mosicas d’os grans compositors espanyols que inmortalizaron a jota.
