Dimpués d’o suyo aplazamiento prematuro, a causa d’a pandemia, se reprenen as chornadas de cultura radical que, con o nombre De la Raíz, organiza AREA, Aragonesa de Representacions Artisticas. Un ciclo que traye a os escenarios d’o Centro Civico Delicias de Zaragoza a beluns d’os representants actuals d’o folk radical, u d’a mosica cherminal d’os diversos colectivos que enriqueixen a nuestra cultura.
Encara que no podremos contar con totz os grupos inicialment previstos, quedan pendients as actuacions de Rodrigo Cuevas “Trópico de Covadonga”, Rafael Jiménez Falo, Miquel Gil, Elem, La bien querida y o grupo aragonés d’electrofolk MAUT.
Por desgracia, o ciclo de cine en a Filmoteca de Zaragoza, en o yera previsto que se prochectasen quantos documentals de tematica etnomosical, ha estau aplazau por iste anyo.
O ciclo s’extiende dende o 14 de noviembre dica o 21 d’aviento de 2020. Totz os conciertos prencipiarán a las 18 horas.
