A la fin se presienta a oportunidat de participar en una verbena n’a carrera, en formato compatible con as recomendacions sanitarias pero no por ixo menos divertida.
A iniciativa Los balcones del Albergue surte d’a necesidat d’animar a os vecins que se veyeban en a necesidat de remanir en as suyas casas entre o pasau confinamiento, que espontaniament fació salir a os balcons a numerosos mosicos aficionaus y profesionals. A conoixida sala zaragozana La Bóveda del Albergue ha veniu programant dende alavez actuacions en formato reduciu de mosicos y chicotz grupos d’a ciudat.
Seguindo con o prochecto, se presienta agora Tardes de bailes folk, un grupo componiu por quatro mosicos curtius en as mosicas, los bailes y os trastes populars de totz os lugars: Javier Laio, Gonzalo Sarsa, Günter F. von Petarden (Álvaro Hecho) y Allué Fiddle (Néstor Rubio).
Una oportunidat que muitos aficionaus chitamos de menos, pa divertir-se bailando danzas populars europeas. Una verbena poco convencional por o escenario y as exichencias sanitarias pero que nos permitirá ir recuperando o ton bailarín perdiu istos días.
O *concierto tendrá puesto o día 23 de chunyo de 2020, a las 20 horas, en Los balcones del Albergue (C/ Predicadores, 70) de Zaragoza.
