Encara que encara con cuentagotas, afortunadament imos asistindo a la reactivación d’o sector d’o espectaclo. O Concello de Alagón (Zaragoza) presienta una propuesta decidida y que ye d’asperar que sirva de modelo pa muitos concellos que dica agora siguen alufrants a evolución d’o coronavirus: un espectaclo con publico, con aforo reduciu y observando estrictament todas as medidas de seguranza establidas por as autoridatz sanitarias, en a plaza de toros local.
A Companyía Ad Libitum ofreix o espectaclo Solombría, un recital de mosica y baile que indaga en as radices comunas d’os dos cheneros populars por excelencia en Espanya: a Jota y o Flamenco.
A voz de Vanesa Osete, educada en totz dos estilos, de conchunta con un extraordinario conchunto de mosicos y bailadors de totz dos estilos, nos tresladará a la época en que a jota y o flamenco se conoixen un a unatra y s’enriqueixen mutuament como conseqüencia d’a emigración, en una historia narrada en vivo por Juanjo Hernández.
Solombría s’ofreix o viernes 12 de chunyo de 2020, a las 21 horas, en a Plaza de Toros de Alagón.
Encara que o aforo ye muit limitau por motivos sanitarios, o espectaclo será ofriu en directo a traviés d’a pachina de Facebook d’o Concello d’Alagón: https://www.facebook.com/ayto.alagon/ y d’a canal de YouTube “Fiestas de Alagón”: https://www.youtube.com/channel/UCumUNf_2XPt1oQiBa0wxNDQ.
