A crisi d’o coronavirus y a reclusión a la quala nos hemos visto forzaus a causa d’o estau d’alarma no va a impedir que desfrutemos d’os artistas aragoneses, a lo menos d’os mas altruistas. Iste festival virtual, #AragónEscenaSeQuedaEnCasa, organizau por Factory Producciones, ferá plegar a os nuestros fogars a traviés d’os retz socials actuacions artisticas de nombres como que Beatriz Gimeno, Nacho Del Río, Beatriz Bernad, Julio Bellido, Sergio Sanz, Marta Peruga, Sergio Aso, Alex Aldea u José Luis Urbén, por nombrar tant solament a beluns d’os nombres destacaus d’a nuestra jota.
A convocatoria tendrá puesto de chueves 19 a domingo 22 de marzo, a las 18 horas, a traviés d’os retz socials. Atentos a iste hashtag: #AragónEscenaSeQuedaEnCasa.
