En Escatrón se celebra Santa Agueda bailando lo Baile d’a Cinta, una danza popular interpretada nomás per mullers. Consta de tres bailes en os quals se trenan y destrenan ueito cintas sobre un palo a lo son d’a mosica que en l’actualidat interpreta la Orquesta Laudística de Escatrón y la Rondalla de El Cachirulo. Lo baile tendrá puesto lo chueves 6 de febrero de 2020, a las 4:30 d’a tarde, en la Replaceta d’o Barranco.
La mosica d’este baile estió replegada per Arcadio de Larrea en 1945. S’amuestra contino la transcripción que fació d’una d’as melodías, lo texto (nº 57) que la acompanyaba en a compilación que fació Larrea en 1949 y un video d’a suya interpretación actual. Este baile s’interpreta totz los anyos dende 1955.
