L’Hotel Palazio de Nerín (Uesca) organiza, un anyo más, lo veterano curso de acordeón diatónico y bailes tradicionals. Iste curso se celebrará entre os días 25, 26 y 27 d’octubre de 2019 y contará con Iker Allur, Olga León y Jesús Rubio como profesors.
O curso de acordeón diatónico y bailes tradicionals ye una ocasión d’aprender un poquet mas sobre a nuestra mosica tradicional y sobre a tecnica y a interpretación d’un traste tant ligado a ella.
S’imparte pa totz os libels, y i hai actuacions en vivo por as nueitz.
O curso prencipió a impartir-se ya en 2003, inicialment solament pa o traste, encara que posteriorment s’adhibió a sección de bailes tradicionals. Dende alavez, han impartiu as suyas clases prestigiosos profesors d’a Asociación de Gaiters d’Aragón, grupos de mosica tradicional como Somerondón o Duotónico, l’Aula de Mosica Tradicional y Popular de Cataluña, la Euskal Herriko Trikitixa Elkartea u o Conservatorio Occitán, entre atros.
