D’o 28 a lo 30 de chunyo de 2019 tendrá puesto la celebración d’o Compromiso de Caspe, una fiesta declarada d’Interés Turistico en Aragón y que rememora la proclamación de Fernando I como Rei d’Aragón, en a Colegiata de Santa María la Mayor.
La celebración consiste en una representación teatral popular que lo suyo escenario son las carreras, convenientment engalanadas, d’a ciudat, recreando l’ambient d’a epoca. Entre los tres días que dura la celebración, las carreras s’implen de mercadillos d’artesanía, mosica, teatro y actividatz infantils.
Este anyo la celebración d’o Compromiso conta con a participación de Almogavars de Caspe, La Ringlera, Dorondaina, Ai Folk, Grimorium-Turdión y Octava Milla, que intervendrán en diversos pasacarreras. Amás, lo viernes per la nueit actuarán Mosicaires, en a Plaza d’o Compromiso a las 22.40 horas, y La Ronda de Boltaña, en a Plaza d’Espanya, a las 23:15 horas.
