Pep Gimeno, “Botifarra”, traye a Zaragoza lo cant d’estil

Pep Gimeno, “Botifarra”, ye lo representant mas destacau d’a mosica popular valenciana. Lo suyo extenso repertorio, forchau a lo largo de quasi cinco decenios, abarca lo cant d’estil, las albaes, lo cant de treball u los romanços tradicionals, per citar los cheneros populars mas abundants en a literatura y la mosica de tradición oral.

La suya discografía ye extensisma, contando con colaboracions de numerosos artistas y grupos. Entre ella destaca lo mimo y lo cudiau con o qual elabora lo cant valencià, la jota, en a suya versión de cant d’estil u como jota de ronda, de quintos u jota improvisada.

Pep Gimeno realiza en os suyos recitals un excelent treballo, en o qual amuestra lo canto popular valenciano en a suya maxima esplendor, como folklore que mantiene la suya presencia viva en un lugar que lo quiere y lo cudia. Pero amás ye un eixemplo a seguir pa qui somos conscients d’a enorme valor d’o nuestro folklore. Sisquiera qui seguisen dito eixemplo estasen un Gubierno d’Aragón que encara ye dando palos de ciego con a declaración de Patrimonio Immaterial d’a jota y qualques concellos populistas que siguen reducindo la jota a baturricos bailando frent a lo Pilar!

Pep Gimeno s’acompanyará d’una d’as grans conocedoras d’a jota en Aragón, Carmen París, pa fer-nos desfrutar d’una veilada de jotas aragonesas y valencianas con autentico gusto popular y con a dignidat con a quala la jota se cantaba fa agora un sieglo, igual en as plantacions que en os teatros.

Podremos veyer a Pep Gimeno y a Carmen París lo proximo chueves 24 de noviembre de 2022, a las 21 horas, en o C.C. Almozara de Zaragoza.