Nacho del Río en o Ateneo de Madrid

Lo cantador Nacho del Río ofreix un recital de jota en o Ateneo d­e Madrid, dentro d’o ciclo de conciertos Manuel de Falla que esta prestigiosa institución viene organizando dende l’anyo 2015 de conchunta con a Casa de Granada en Madrid y la Sala Cero Teatro en Sevilla.

Lo ciclo de conciertos Manuel de Falla naixió como un homenache a la obra de Falla El Amor Brujo, en o suyo centenario de o suyo enguero en Madrid. Lo suyo formato orichinal, alternando recitales de flamenco y conciertos de mosica de cámara, s’ha iu enamplando a atras mosicas de radiz popular, contando en esta ocasión con l’excepcional Nacho del Río, cinco vegadas Premio Extraordinario d’o Certamen Oficial de Jota d’o Concello de Zaragoza, a qui acompanyarán la cantadora Ángela Aured, Premio Extraordinario d’o mesmo Certamen en l’anyo 2010, y una Rondalla Aragonesa endrezada per lo Maestro Javier Badules.

Nacho del Río destaca, amás de per lo suyo cudiao estilo interpretativo, per la suya labor d’estudioso y divulgador d’os estilos más clásicos, los que alumbroron la jota aragonesa actual enta finals d’o sieglo XIX. Ye director d’a recientement creyada Fonoteca d’a Jota, dependient d’o Gubierno d’Aragón.

Lo recital tendrá puesto lo día 13 de chinero de 2019, a las 12:30 horas, en a siede d’o Ateneo de Madrid (carrera d’o Prado, 21).