Araboas, con “Ilusions renovadas”

Lo grupo de mosica folk Araboas tiene un repertorio extraito d’a tradición oral d’Aragón, Espanya y Latinoamérica, a lo qual adereza con arreglos polifónicos y gran variedat de trastes musicals tradicionals y modernos. En 2018 publicó lo suyo primer disco: ¿Cantamos? (Sones de infancia), con un repertorio basau en as cancions que conoixemos dende la nuestra infancia y que encara recordamos y cantamos con gozo a los nuestros chicotz.

Componen este grupo cinco mosicos curtius en o folk aragonés, a lo qual aportan amplia experiencia en atros cheneros musicalsSalvador Berlanga (guitarra, guitarrico y voz), Fernando Gabarrús (percusión, zanfona, pinfano y voz), Toyo Gabarrús (guitarra, harmónicas y voz), José Ángel Gil (baixo y voz) y Crestian Josuér (acordeón, chiflo, flauta y salterio).

Araboas ha preparau un nuevo espectaclo, Ilusiones renovadas, que ofrirá lo proximo día 2 de chulio de 2021 en o pabellón de Montanyana (Zaragoza), a las 22 horas.