Las fiestas d’o vico zaragozano d’o Arrabal incluyen este anyo en a suya programación un concierto-homenache a lo mosico Fernando Pérez, feneixiu fa pocos meses. En o concierto participarán cualques d’as formacions en as cualas participaba con regularidad: Gaiters d’o Rabal, Nuei, Vinomán y Cachirulos XL.
Fernando ye recordau, antiparte de per las suyas grans cualidaz personals, per la suya aportación a lo folk aragonés dende lo mundo d’o rock, dende cualques d’estas bandas d’estilo inconfundible que conforman lo cartel d’este Festival Folk Arrabal.
Lo concierto tendrá puesto lo día 12 de mayo de 2023, a las 20 horas, en a carpa instalada en o recinto ferial d’o Arrabal (chunto a lo C.C. Estación d’o Norte).
