Academia ye como se diz a la Universidat, en referencia a l’actividat scientifica y cultural que esta desenvuelte per medio d’as suyas tres funcions substantivas: docencia, investigación y extensión. En esta ocasión l’Academia aragonesa per excelencia, la Universidat de Zaragoza, dignifica la jota y se dignifica a si mesma acullindo una nueva edición d’o recital La Jota en l’Academia, protagonisau per Nacho del Río y Beatriz Bernad, dos d’as voces mas representativas d’o proceso de recuperación y reelaboración d’a jota aragonesa. Y lo fan como homenache a lo suyo mayestro Jesús Gracia, prodichioso cantador de jota de que lo suyo naixencia se cumplen agora cient anyos. Lo recital tendrá puesto en o Paraninfo d’a Universidat de Zaragoza, lo día 7 d’octubre de 2022, a las 19:30 horas. En ell nos ofrirán una selección de tonadas de jota triadas d’entre los estilos clasicos y los mas actuals, con l’acompanyamiento d’una rondalla endrezada per Javier Badules.
