Lo Teatro Olimpia de Uesca se prepara pa recibir, una vegada mas, a l’emblematico cantador de jota Roberto Ciria, qui recientment publicó lo treballo Así cantó el Alto Aragón, un disco en o qual Ciria recorre la historia d’a jota cantada altoaragonesa a traviés de la figura y lo estilo d’os suyos mas destacaus representants.
En Así cantó el Alto Aragón, Roberto Ciria interpreta una colección de tonadas y letras d’o repertorio d’as grans voces d’a jota oscense, dende Fidela Gardeta dica Joaquín Campodarve u José Bescós, sin ixuplidar a los Seral, Camila Gracia u dica Miguel Fleta.
La personalidat propia y distintiva d’a jota oscense queda perfectament plasmada en este treballo, que homenachea a qui la forchoron con a voz y lo estilo inconfundibles de Roberto Ciria.
Así Cantó el Alto Aragón será lo tema d’o concierto que Ciria ofrirá en o Teatro Olimpia lo día 23 de chulio de 2021, a las 20:30 horas.
