La localidat turolense torna a organizar unas chornadas culturals, esta vegada entre los meses d’abril a chunyo de 2021, con una serie d’actividatz arredol d’a literatura, la mosica y la scena, entre las qualas mereixe la pena destacar la presencia d’o grupo Bordón Negro.
Bordón Negro lo componen tres chovens mosicos bajoaragoneses: Miguel Jariod (guitarra flamenca), Óscar Soriano (laúd) y Antonio Lahoz (percusión). Lo trío ofreix una visión personal d’o flamenco que la suya fuent d’inspiración son los artistas que agrandioron lo chenero, como deixan bien patent en o suyo disco, A los mayestros. Temas de composición propia, con inconfundible gusto, combinaus con arreglos d’obras d’os músicos mas reconoixius, forman este homenache de Bordón Negro a una d’as mosicas populars mas grans y mas bellas d’o mundo.
Podemos desfrutar de Bordón Negro lo día 5 de chunyo, a las 20 horas.
Muito recomendable ye tamién lo concierto d’o grupo Pick & Shovel, con un repertorio de mosica tradicional irlandesa y blue-grass, lo día 12 de chunyo a las 16 horas.
