Un d’os elementos imprescindibles d’as fiestas patronals d’o Rabal zaragozano ye o tradicional dance de labradors en honor a Santo Gregorio, que s’interpreta entre a romería a la ermita.
O Dance d’o Rabal ha estau conservau y interpretau por l’Asociación Cultural Royo del Rabal y l’acompanyamiento musical corre a cargo d’a Escuela de Mosica Tradicional Xixena. En a suya labor de conservación d’o dance, l’Asociación Cultural Royo del Rabal ha creyau nuevas coreografías, que a suya mosica ha corriu a cargo d’o mosico y compositor Pepín Banzo.
L’Asociación Cultural Royo del Rabal ofrirá o proximo día de Sant Chorche, 23 d’abril de 2021, a las 18 horas, un espectaclo en o qual podremos desfrutar de los bailes que componen iste dance, amás d’una exhibición de bailes tradicionals a cargo d’a Escuela de Mosica Tradicional Xixena y La Xistén Band.
O espectaclo se puede desfrutar en o Centro Civico Tío Jorge de Zaragoza.
