El Mantel de Noa, o duo formau por Pilar Gonzalvo y Miguel Ángel Fraile, publicó recientment o suyo segundo disco, que con o titol Islas errantes ofreix una nueva muestra d’o suyo habitual repertorio componiu por arreglos de melodías populars d’Europa y os países mediterranios, interpretaus con trastes tradicionals.
Iste nuevo disco contina en a linia de l’anterior, Hilos de aire, con una serie de temas, beluns d’ells de composición propia, que a suya interpretación intima y delicada evoca a leyenda de Santo Borombón en o suyo viache dezaga d’o paraíso terrenal, visitando islas prodichiosas pobladas por extraordinarios seres, a que os suyos paisaches nos transporta o son d’o arpa y as gaitas de variaus timbres que intervienen en o disco, que tamién conta con a colaboración de David Marco y un esmerado y exquisito disenyo de José Prieto, “Flip”.
El Mantel de Noa presentará iste disco os días 26, 27 y 28 de febrero de 2021 en o Teatro d’o Mercau de Zaragoza. Todas as sesions tendrán puesto a las 19 horas.
