“Próximas salidas”, de Zicután

O grupo folk Zicután ofreix l’espectaclo Próximas salidas, basau en o suyo CD homonimo, o tercer treballo d’o grupo. Próximas salidas ofreix un recorriu a traviés d’as mosicas, os bailes y os trastes tradicionals de diversos puestos d’Europa, a os quals nos transporta por meyo de diversos meyos de locomoción, dende as nabatas dica o tren u o tramvía, y que a suya mosica popular inspira os diversos temas que componen o disco.

Zicután lo componen: Jesús Acero, Paco Blázquez, Fernando Gabarrús, Diago Lezaún y Rafel Sánchez.

O espectaclo Próximas salidas tendrá puesto lo proximo día 7 d’aviento de 2020, a las 18:30 horas, en o Centro Cívico Casetas (Zaragoza).