Los Hermanos Cubero

Los Hermanos Cubero serán en Zaragoza dentro d’o ciclo Bombo y platillo que organiza o Centro Civico Delicias.  O duo alcarreño presentará o suyo sexto disco, Prochecto Toribio. Si os suyos anteriors treballos yeran inspiraus en o folklore tradicional castellán con un son muit particular, combinando con a suya mandolina, a suya guitarra y as suyas voces a mosica de radiz castellana con o bluegrass estadounidense, en Prochecto Toribio recuperan o cancionero de Toribio del Olmo, mosico popular de Guadalajara, metendo de manifiesto l’important paper que o violín chugaba en as rondas tradicionals alcarreñas.

Los Hermanos Cubero actuarán en o Centro Civico Delicias, de Zaragoza, o día 18 d’octubre de 2020, a las 19 horas.