Ya i hai calendatas pa la representación d’o espectaclo Jota y Berna, creyau por o bailarín Miguel Ángel Berna, dimpués que l’enguero previsto pa o pasau mes d’abril hese d’estar suspendiu a causa d’as medidas de confinamiento frent a o coronavirus. S’ha programau, por fin, d’o 9 a o 13 de setiembre de 2020, en o Teatro Prencipal de Zaragoza, a cargo d’a Companyía Miguel Ángel Berna, y en ell participarán artistas conoixius como o coreógrafo y bailarín Cesc Gelabert, a bailarina Manuela Adamo, que ye a la vegada directora de scena, a jotera Irene Alcoceba u os mosicos Alberto Artigas, Miguel Ángel Fraile, Josué Barrés y Guille Mata.
Seguindo a fructifera linia de creyación de Berna, o espectacuo ofreix composicions basadas en melodías y ritmos tradicionals y obras de manufactura moderna inspirada en a tradición musical y en as mosicas d’os grans compositors espanyols que inmortalizaron a jota.
O espectaclo s’ofreix d’o 9 a o 12 de setiembre, a las 20:30 horas, y o 13 de setiembre a las 19 horas.
