Mullers de jota 2020

Lo premio Mullers de Jota (Mujeres de jota) estió instituyiu per lo Centro Aragonés d’o Puerto de Sagunto con a finalidat de reconoixer la trayectoria artistica, docent y humana de mullers destacadas en o mundo d’a jota. En cadaguna d’as 13 edicions que, con a d’este anyo, conta lo premio, s’ha atorgau esta reconoixencia a una jotera de suficient renombre en tot Aragón y a unatra vinculada a lo Centro Aragonés d’o Puerto de Sagunto.

En a edición de 2020, lo premio irá a Laura Martín Montalbán, per Aragón, y a Iris Giménez Muñoz, per lo Centro Aragonés d’o Puerto de Sagunto.

La entrega de premios tiene puesto en o cabo de semana mas proximo a lo 8 de marzo, Día Internacional d’a Muller. En esta ocasión, la cita será lo sabado 7 de marzo de 2020, a las 18 horas, en o Centro Aragonés d’o Puerto de Sagunto. En a gala participarán numerosos artistas convidaus: Elena Casaña, Julio Latorre, Ana Belén Montorio, Raúl Gracia, Estela Alarcón, Susana Burguete, Noelia Moros, Ivanhoe García, Adriana García, Jara García, Adrián Lozano, Javi Ruiz y Jorge Yagüe son los nombres d’os cantadors, mosicos y bailadors que acompanyarán en o escenario a Laura y a Iris de conjunta con o Grupo de Jotas d’o Centro Aragonés.