Os Chotos, en o Tradicionàrius

Lo grupo Os Chotos presentará lo disco Cadenzias, con poemas musicalizados d’Ánchel Conte, en o Festival Tradicionàrius de Folk Internacional 2020, lo mas emblemático festival de mosica folk de Catalunya, chunto a figuras como Kepa Aurrera, RIU, Quico el Célio, el Noi i el Mut de Ferreries o El Pont d’Arcalís.

Lo disco-libro Cadenzias ye un homenache a la poesía d’Ánchel Conte, prencipal artifice d’a revitalización de l’aragonés per medio d’a suya poesía y los estudios sobre esta luenga empentaus per ell.

Muitos d’os suyos poemas han estau ya mosicados per artistas aragoneses de diversos cheneros, pero en esta ocasión se presienta este treballo, Cadenzias, en o qual Os Chotos meten mosica a una extensa colección d’as suyas obras.

Os Chotos actuará lo dia 15 de marzo, en o C.A.T. – Centre Artesà Tradicionàrius de Barcelona, a las 12 horas. Enhorabuena, Chotos!