La Encamisada d’Estercuel


En Estercuel (Teruel) se conmemora la festividat de Sant Antón, lo día 17 de chinero, con a celebración d’a Encamisada.

La fiesta tiene puesto entre lo cabo de semana mas proximo a Sant Antón, que este anyo será lo d’o 18 y 19 de chinero de 2020.

Se tracta d’una cabalgata u procesión que simboliza l’agradeiximiento d’os vecins a Sant Antón per haber-les librau d’a peste.

La comitiva, encabezada per un Procurador, lo Rei, lo Conde y los miembros d’a corporación municipal, y a la quala siguen los vecins, transcorre entre impresionants fogueras que estes zaguers han encendiu previament. Contino los vecins cenan y se divierten arredol d’ixas mesmas fogueras.

La fiesta se compone de quantos actos mas: la plega, la misa mayor, lo baile d’o reinao y lo baile d’as coronas, que simboliza lo traspaso de poders entre los cargos dentrants y los salients. Estas melodías son interpretadas per lo grupo Gaiters d’Estercuel.